Горан Станикевски-Горјански е роден на 5.4.1976 год. во Скопје. Основно училиште завршил како првенец на генерација во ОУ„Стив Наумов“-Скопје а матурирал во УСО „Орце Николов“-Скопје.
Високо образование завршува на Филолошкиот факултет „Блаже Конески“-Скопје (група: македонски јазик и јужнословенски јазици со светска книжевност).

Од септември 2008 год. е професор по македонски јазик и литература во ПСУ „Алгоритам “

ОСТАНАТИ КАРАКТЕРИСТИКИ

Учесник во обука  за односи со јавноста-(ЕСЕ)-2000 г.

Обучувач во проектот за основно образование: „Организација на тренинг активности и логистика за Едубунту“ (2009 год.).

Обучувач во проектот: „Креирање на едноставни дигитални содржини за примена во наставата“ (2011 год.).

(Oбука на наставници од 333 основни училишта во Р. Македонија за креирање на едноставни дигитални содржини за примена во наставниот процес).

Автор на прирачници по македонски јазик и литература за сите четири години гимназиско образование во дигитална форма за интерна употреба во Гимназија „Алгоритам“.

Автор на прирачник за државна матура по македонски јазик и литература за интерна употреба во Гимназија „Алгоритам“.

Изготвувач на целокупните наставни содржини по македонски јазик и литература за гимназиско образование во дигитална форма за интерна употреба во Гимназија „Алгоритам“.

Учесник во проектот: „Современи и креативни методи и техники на учење“.

Координатор на ораторска вечер посветена на темата: „Науката и младите во Р. Македонија“ во Народната канцеларија на Претседателот на РМ во Скопје, во рамки на одбележување на државниот празник 24 Мај (Денот на сесловенските просветители Кирил и Методиј) – 2013 г.

Член на Извршниот одбор на Сојузот на друштвата за македонски јазик и литература на РМ од 2013 г.

Изготвувач на тестови за основно и средно образование за регионалните и државните натпревари по предметот Македонски јазик и литература од 2013 г.

Претседател на Сојузот на друштвата за македонски јазик и литература на РМ од февруари 2015 година.

Во 2016 година (Центар за образование на возрасни–Скопје) се стекнува со Сертификат за второ ниво на програмата „Професионален обучувач на обучувачи за возрасни“ за водење (coaching) во текот на нивниот процес и обучување на обучувачите на возрасни.

Во 2016 година (Центар за образование на возрасни–Скопје) се стекнува со Сертификат за прво ниво на програмата „Професионален обучувач на обучувачи за возрасни“ за подготовка, водење и евалуација на обука и сесии.

Активно учествува во тековните развојни програми за современи и креативни методи за учење, техники на учење и менаџмент во училница; демократизација на наставниот процес: пат кон креативно и ефективно учење.

Активен обучувач на вработени во образованието и други возрасни категории слушатели:

• Обука за деловна етика – развивање на професионализмот во извршување на работните задачи, професионалниот однос кон учениците, родителите, наставниците и останатите вработени во училиштето;
• Обука за современи и креативни методи и техники на учење и
• Обука за обучувачи на обучувачи на возрасни.

Ментор на ученици кои имаат освојувано значајни награди на државно ниво:

• осмо место на државниот натпревар по македонски јазик и литература (2009/2010 год.);
• второ место на државниот натпревар по македонски јазик и литература (2010/2011 год.);
• прво место за најдобар есеј на тема „Антикорупција“ под покровителство на Норвешката амбасада, на државно  ниво (2010 год.);
• прво место за најдобар есеј на тема „Екологија“ под покровителство на Град Скопје (2011год.);
• прво место за најдобар есеј на тема „Екологија“под покровителство на Норвешката амбасада, на државно ниво(2011 год.);
• награда за најдобар млад новинар на конкурсот на списанието за млади  „Медиум“, кое излегува во рамките на дневниот весник Нова Македонија (2011 год.);
• прво место на државниот натпревар за најдобар есеј „Ацо Караманов“ (2011/2012 год.);
• прво место за најдобар есеј на тема „Екологија“, организирано од Град Скопје (2011/2012 год.);
• второ место на државниот натпревар по македонски јазик и литература (2011/2012 год.);
• прво место за најдобар есеј на тема „Кога јас ќе бидам лидер“ во организација на „Иванов школа за млади лидери- Алумни асоцијација“ под високото покровителство на претседателот на Р. Македонија, д-р Ѓорѓе Иванов (2011/2012 год.);
• прво место за најдобар есеј на тема „Екологија“, организирано од Град Скопје (2013/2014 год.);

Ментор, координатор и организатор на училишните театарски претстави:

• „Писмото“ (2009/2010 г.);
• „Сомнително лице“ (2010/2011 г.);
• „Грев или Шприцер“ (2011/2012 г.);
• „Отуѓени“ (2012/2013 г.);
• „Run Lenche run“ (2013/2014 г.);
• „Дека е кешот, дека е вешот?“ (2014/2015 г.);
• „Таксист“ (2015/2016 г.);
• „Да му веруваш на дедо“ (2016/2017 г.).

(Салон 19,19 во рамките на Гимназијадата и Драмски театар – Скопје; хуманитарни изведби).

Автор на драмски текстови, раскази и поезија.

Работа со талентирани ученици на подготовки за државни натпревари и подготовка на учениците за Државна матура.

Учесник во кратки филмови на учениците членови на Филмската секција

од Гимназија „Алгоритам“.

СЕМИНАРСКИ И СТРУЧНИ ТРУДОВИ

 ,,Јазикот и стилот во публицистичките текстови“;

1. „Јазикот во македонската народна поезија“;
2. „Македонскиот јазик во развојот на европските и словенските јазици-литературни наспрема општонародни јазици“;
3. „Теорија, типологија, анализа на стилот во романот-  во македонските романи во наставата по литература.

„Реформи во образованието во Р.Македонија (проекти и иновации во периодот 2000-2005 г.) – компаративна  анализа со холандското образование