Павлина Бучевска е родена на 4.11.1994 година во Скопје. Основно образование завршува во ОУ „Коле Неделковски“ како првенец на генерација. Средното образование го продолжува како стипендист во ПСУ „Алгоритам центар“. Во текот на образованието освојува повеќе награди на општинско и државно ниво од областа на математиката и литературата:

• Прво место на натпреварот по математика „Кенгур“ (2010);
• Награда за најдобар млад новинар на конкурсот на списанието за млади „Медиум“, кое излегува во рамките на дневниот весник Нова Македонија (2011 год.);
• Прво место за најдобар есеј на тема „Кога јас ќе бидам лидер“ во организација на „Иванов школа за млади лидери – Алумни асоцијација“ под високото покровителство на претседателот на Р. Македонија (2011/2012 год.);
• Прво место за најдобар есеј на град Скопје (2012).
• Стипендија од Министерството за образование и наука (2010-2013).

Во 2013 година го започнува нејзиното високо образование на „Факултетот за информатички науки и компјутерско инженерство“, насока-компјутерски науки и инженерство. Во текот на студиите учествува во изработка на неколку проекти. Во 2016 година е добитник на стипендија на Академијата за графички дизајн при едукативниот центар „Seavus“ во Скопје каде што по една година успешно ја завршува програмата како една од најдобрите студенти.

Во 2017 година работи Web Design во дигиталната маркетинг агенција „Kara5“. Од 2017 работи како професор по програмирање и графички дизајн во бизнис-центарот „Creative hub“ и во „Seavus Education and Development Center“. Стекнува искуство во предавање на различни старосни групи – деца и возрасни.

• Од 2017 година е професор по информатика и програмски јазици во ПСУ „Алгоритам центар“.
• Од 2017 година работи како Social Media Content Specialist во Гимназија Алгоритам.
• Од 2017 година во Гимназија Алгоритам ја воведува платформата за е-учење courses.algoritam.mk и на истата е администратор.
• Во 2018 година ја креира веб апликацијата за евидентирање на отсуства и оценки ednevnik.algoritam.mк и на истата е администратор.
• Bo 2018 година воведува платформа за електронско тестирање psat.algoritam.mk и создава систем за автоматско генерирање на извештаи за постигнат успех за потребите на натпреварите за основно училиште PSAT во Гимназија Алгоритам.
• Во 2019 година ја создава новата веб страна algoritam.mk и работи на нејзино одржување.
• Во март 2019 година е ментор на проектот „Европски квиз за пари“.
• Во јуни 2019 година е ментор на проектот „Контролирано осветлување на велосипедска патека“, кој на ученците во Гимназија Алгоритам им донесува награда од „Фонд за иновации и технолошки развој“.
• Координатор и наставник на приватните часови по програмирање и математика во едукативниот центар „Алгоритам центар“.
• Во мај 2020 година е награден ментор на нов проект од „Фонд за иновации и технолошки развој“
• Во декември 2020 година се стекнува со сертификат по дигитален маркетинг преку едукативниот центар „Brainster“

Работи на повеќе freelance проекти за странски клиенти.

ОСТАНАТИ КАРАКТЕРИСТИКИ

Автор на прирачници по информатика и програмски јазици за сите четири години гимназиско образование во дигитална форма за интерна употреба во Гимназија „Алгоритам“.

Изготвувач на целокупните наставни содржини по информатика и програмски јазици за гимназиско образование во дигитална форма за интерна употреба во Гимназија „Алгоритам“;

Учесник во проектот: „Современи и креативни методи и техники на учење“.