[Литература] Дафина Здравковска – VI одд.

„Што ме движи кога сѐ стои?“

Кога светот и сѐ околу него ќе застане, ќе запре

мене ме движат мислите кои живеат во мене внатре.

Кога светот ќе стои и кога ништо нема да се движи

можеби самотијата со мене ќе се зближи.

Но тука ќе бидат надежта и соништата за да ме придружуваат

и спомените од минатото да ме задржуваат.

Сѐ она што сум го зацртала во мојата глава, можеби ќе ме поттикне, ќе ме води

и можеби повторно надеж во мене ќе вроди.

Можеби покрај сѐ она што ќе стои

нема да разликувам дали е вечер или в рано зори,

мојата упорност да продолжам понатаму ќе ми збори

и понатаму верно за рака ќе ме води.

Сонцето повторно ќе грее,

птицата повторно за својата слобода ќе пее,

светот повторно ќе се движи,

во мене ќе згаснат сите омрази и грижи.

И ќе воочам дека за сето тоа време,

јас која сум се трудела најмногу за себе,

за да стане подобар човек од мене.