Изјави од родители

За пофалба е Вашата и подготвеноста на Вашите професори. Вие бевте меѓу првите кои веднаш продолжија  со настава. Верувам дека ова е предизвик и за учениците и за професорите да се снајдат во новонастанатите услови и да продолжат нормално да функционираат во вонредна состојба. На учениците им е интересен ваквиот начин на работа. Добро е што до сега имаат солидни рокови за извршување на обврските како би се организирале, затоа што не секогаш техничката поддршка или условите се идеални за брза  реализација.

Ви посакувам лесно и успешно реализирање на учебната година и пред се, да сте сите здрави и живи!

Даниела Василевска

Во целост сме задоволни од Вашите ангажмани околу наставниот процес на нашите деца, Ви благодариме за несебичната поддршка околу нивното полесно совладување на наставното градиво предвидено за овој период.

Вие и сите Ваши колеги вложивте многу труд за целиот процес да тече непрекинато, за што многу сме Ви благодарни, се надеваме сите сте добри и во добро здравје. Многу поздрав и секое добро,

Анета Макревска

Голема благодарност за вашиот ангажман за изведување Online настава. Гимназијата покажа дека е подготвена ви во вакви услови да можат учениците од дома во континуитет да ја следат наставата и навремено да ги извршуваат зададените задачи. Ова е особено важно за матурантите, за подготовка за испитите од државната матура.

Бидете здрави!

Со почит,

Анета Симоноска 

Се приклучувам кон честитањето за брзото справување со кризните мерки и вашата заложба за Online настава. Им посакувам и на професорите и на идните матуранти успешен завршеток на учебната година и пред се здравје.

Срдечно,

А. Поповска  

Задоволни сме, продолжете понатаму сo тенденција за подобрување.

Со почит,

Лиле Атанасоска Пејчиновска 

Наставата и содржините се добро организирани и поставени, позитивно е што имаат задачи кои ги држат ангажирани со повеќе обврски во замена на сите останати вонучилишни активности.

 Корнелија Утевска Глигоровска

Презадоволна сум што денот на децата им е исполнет со активности и не заостануваат со наставниот материјал

Сузе Китановска

Одлични сте, најдобри како и секогаш и ја имате нашата целосна поддршка.

Јасна Котевска

Благодарност до сите вас за се што правите колективно за децата. Задоволни сме со online наставата, подобро не може да биде. Се надеваме дека во скоро време учениците ќе се вратат во своите училишни клупи.

Останете во добро здравје!

Со почит,

Павлинка Шахин

Во овие спесифични услови за време на пандемија од COVID-19, покажувата маскимална ангажираност, професионалност и подготвеност учениците непречено и континуирано да го продолжат наставниот процес, а истовремено со релаксирачки пристап како и секогаш од страна на тимот на Гимназија Алгоритам. Огромна благодарност.

Весна Тодевска

Целосно сме задоволни, наставата одлично се одвива и нашите деца, ваши ученици, секојдневно се вклучени во образовниот процес, за што сме Ви бескрајно благодарни.

Марина Огњановска

Пред се да Ви посакам добро здравје и ведар дух.

Од мое име и името на Матеја, Ви благодарам за заложбата за континуирано одржување на наставата, кое што покрај едукацијата на децата овозможува пополнување на времето, кое што сега го имаат во изобилие.

Во однос на Вашето прашање за задоволството (на учениците, а секако и наше) можам да кажам само БРАВО. Иако наставата по разични предмети е организирана на различен начин, користејќи различни платформи – целта е постигната. Воедно, Вашата грижа навремено да не информирате за сите чекори кои ги преземате во однос на подобрување на наставата, реализација на задачите од страна на ученикот и сл. е за поздравување. Секоја чест! Можете да бидете пример за многу училишта.

Поздрав и чувајте се.

Бети Вуковојац

Ви благодарам што за кратко време се прилагодивте на вонредната состојба во која се најде нашата држава и целиот свет. Ви благодарам за редовните информации кои го добиваме на маил од сите професори.

Јас, како родител сум многу задоволна од тимот на Алгоритам за органицацијата и професионалноста во одржувањето на оnline наставата во виртуелните училници. Матеј редовно и многу сериозно ги исполнува задачите кои се дадени од професорите.

Голем поздрав до Вас и до тимот на Алгоритам и чувајте се.

Со почит,

Ирена Миновска-Предовиќ

0